සුවපති රාජිතට යලිත් වැඩ වැරදෙයි…

සුවපති රාජිතට යලිත් වැඩ වැරදෙයි…

Spread the love
  • 17
  •  
  •  
  •  
    17
    Shares

සුදු වෑන් මාධ්‍ය හමුව සම්බන්ධයෙන් එක්සත් ජාතික පක්ෂ පාර්ලිමේන්තු මන්ත්‍රී රාජිත සේනාරත්න මහතාට ඇප ලබාදෙමින් කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය ලබාදුන් නියෝගයට එරෙහිව නීතිපතිවරයා විසින් කොළඹ මහාධිකරණය හමුවේ ගොනු කළ ප්‍රතිශෝධන අයඳුම්පත කැඳවීමට දින ලබා දී ඇත.
සුදු වෑන් මාධ්‍ය සාකච්ඡා සිද්ධිය සම්බන්ධයෙන් අධිකරණය මඟින් නිකුත් කළ වරෙන්තුවක් මත අත්අඩංගුවට ගත් හිටපු අමාත්‍ය රාජිත සේනාරත්න මහතා ඇප මත මුදා හරිමින් කොළඹ ප්‍රධාන මහේස්ත්‍රාත්වරිය විසින් දුන් නියෝගයක් ප්‍රතිශෝධනය කර එය බලරහිත කරන මෙන් ඉල්ලා නීතිපතිවරයා විසින් ගොනු කර ඇති ප්‍රතිශෝධන අයදුම්පත ලබන 17 වනදා සලකා බැලීම සඳහා කැඳවන ලෙස කොළඹ මහාධිකරණය නියෝග කළේය.
ඒ අනුව අදාළ පෙත්සමේ වගඋත්තරකරුවකු ලෙස නම් කර සිටින හිටපු අමාත්‍ය රාජිත සේනාරත්න මහතාට එදින අධිකරණය හමුවේ පෙනී සිටින ලෙස දන්වා නොතීසි නිකුත් කරන ලෙසද කොළඹ මහාධිකරණ විනිසුරු මංජුල තිලකරත්න මහතා නියෝග කර ඇත.
නීතිපතිවරයා තම ප්‍රතිශෝධන අයඳුම්පතෙන් සඳහන් කර සිටින්නේ රක්ෂිත බන්ධනාගාර ගත කර සිටි හිටපු අමාත්‍ය රාජිත සේනාරත්න මහතාට ඇප ලබාදීමේ දී අධිකරණය විසින් පැමිණිල්ල විසින් ඉදිරිපත් කළ කරුණු කිසිවක් සැලකිල්ලට භාජනය නොකළ බවයි.
අත්අඩංගුට ගැනීම සඳහා වරෙන්තු නිකුත් කිරීමෙන් පසුව දින කිහිපයක් අධිකරණය මගහැර සැඟවී සිට පසුව කොළඹ, නාරාහේන්පිට පිහිටි පෞද්ගලික රෝහලක ඇතුළත් වීමෙන් පසුව රහස් පොලිසිය විසින් සැකකාර රාජිත සේනාරත්න මහතා අත්අඩංගුවට ගත් බවත් මෙලෙස අධිකරණය මඟහැර සැඟව සිටි වරෙන්තුකරුවෙකුට ඇප ප්‍රදානය කිරීමට ප්‍රධාන මහේස්ත්‍රාත්වරිය ගත් තීරණය ඇප පනතේ විධිවිධානයන්ට පටහැනි බව ද එහි පෙන්වා දී තිබෙනවා.

මෙම සැකකරුට ඇප ප්‍රදානය කිරීමට පෙර මහේස්ත්‍රාත්වරිය විසින් ඔහු රැඳී සිටින රෝහලෙන් කිසිදු වෛද්‍ය වාර්තාවක් කැඳවා විමර්ශනයක් නොකළ බවත් සැකකරුගේ සෞඛ්‍ය තත්වය පිළිබඳව කොළඹ අධිකරණ වෛද්‍ය නිලධාරියා මාර්ගයෙන් විමර්ශනයක් පවත්වා වාර්තාවක් කැඳවන ලෙස පැමිණිල්ල විසින් කළ ඉල්ලීමද මහේස්ත්‍රාත්වරිය විසින් බැහැර කළ බවක් නීතිපතිවරයා විසින් ඉදිරිපත් කළ ප්‍රතිශෝධන අයඳුම්පත තුළින් චෝදනා කළේය.
ඒ අනුව අධිකරණය මඟහැර සැඟව සිට රෝහල්ගත වීමෙන් පසුව අත්අඩංගුවට ගත් හිටපු අමාත්‍ය රාජිත සේනාරත්න මහතාට ඇප ප්‍රදානය කිරීමට කොළඹ ප්‍රධාන මහේස්ත්‍රාත්වරිය ගත් තීරණය නීතියට පටහැනි යැයි පෙන්වා දෙන නීතිපතිවරයා එබැවින් එම අධිකරණය හමුවේ පවතින නඩු ගොනුව කැඳවා පූර්ණ විමර්ශනයක් පවත්වන ලෙස ද කොළඹ මහාධිකරණය වෙතින් ඉල්ලා ඇත.
එසේම ඉකුත් 30 වනදා හිටපු අමාත්‍ය රාජිත සේනාරත්න මහතා ඇප මත මුදා හරිමින් කොළඹ ප්‍රධාන මහේස්ත්‍රාත්වරිය විසින් ප්‍රකාශ කිරීමට යෙදුණු ඇප නියෝගය බල රහිත කිරීමේ තීන්දුවක් නිකුත් කරන ලෙස ද නීතිපතිවරයා සිය ප්‍රතිශෝධන අයඳුම්පතෙන් වැඩිදුරටත් ඉල්ලා ඇත

(Visited 231 times)
ඔබගේ කැමැත්ත අපේ ශක්තියයි... ස්තුතියි !
Click here to connect!