වෑන් රියෙන් පැමිණි කාන්තාවන් තිදෙනෙක් කාන්තාවක් පැහැරගෙන ගොස්

Spread the love
  •  
  •  
  •  
  •  

තෙලිඡ්ජවිල මාර්ගයේ දංකනත්ත නමැති ස්‌ථානයේදී මාර්ගයේ ගමන් කරමින් සිටි 41 හැවිරිදි කාන්තාවක්‌ වෑන් රථයකින් පැමිණි බවට කියන කාන්තාවන් තිදෙනකු විසින් රථයට දමාගෙන පැහැරගෙන ගිය බවට කියන සිද්ධියක්‌ සම්බන්ධයෙන් අකුරැස්‌ස පොලිසිය විසින් සැකපිට කාන්තාවක්‌ අත්අඩංගුවට ගෙන ඇත. පැහැරගෙන යැමට ලක්‌ වූ කාන්තාව තෙලිඡ්ජවිල පදිංචිකාරියකි. ඇය මේ සම්බන්ධයෙන් කොටුව පොලිසියට ප්‍රකාශයක්‌ ලබා දී ඇත. සිද්ධිය මෙසේය.

පැහැර ගැනීමට ලක්‌ වූ කාන්තාව පුද්ගලයකු සමඟ අනියම් සම්බන්ධතාවක්‌ පවත්වා ඇති බවත් වසර 6 ක පමණ කාලයක්‌ ඔහු සමඟ එකට ජීවත් වී ඇති බව ද මෙම පුද්ගලයාගේ බිරිඳ මියගොස්‌ ඇති බවට පවසා ඇති අතර පසුව දැනගැනීමට ලැබී ඇත්තේ ඔහුගේ බිරිඳ මියගොස්‌ නැති බවය.

පසුව ඔහුගේ බිරිඳ පැහැර ගැනීමට ලක්‌වූ කාන්තාවට බැනවැදී ඇති අතර මේ නිසා එම කාන්තාව විසින් අනියම් සම්බන්ධතාව පැවැත්වූ පුද්ගලයා අත්හැරීමට උත්සාහ කළත් ඔහු එයට අකමැති වී ඇත.

පසුගිය 03 දින පැහැරගැනීමට ලක්‌ වූ කාන්තාව නිවසේ සිට අවශ්‍යතාවකට යන අවස්‌ථාවේදී ඇය පිටුපසින් පැමිණි වෑන් රථයක්‌ නවතා එහි සිටි කාන්තාවන් තිදෙනකු විසින් ඇය බලහත්කාරයෙන් වාහනයට දමාගෙන ඇති අතර එහි රියෑදුරා ඇයට පිස්‌තෝලයක්‌ වැනි දෙයක්‌ පෙන්වා පසුව ඇගේ දෑස්‌ බැඳ රැගෙන ගොස්‌ පසුව ඇය කාමරයකට දමා සිට ඇති අතර එහි දින දෙකක්‌ පමණ සිටි බවත් පසුව ඇයට ක්‌ලාන්තයක්‌ සෑදීම හේතුවෙන් ප්‍රතිකාර ගැනීමට රැගෙන ගොස්‌ ඇති අතර එහිදී ඇය බේරී පැනගොස්‌ ත්‍රිරෝද රථයක නැගී කොටුව පොලිසියට පැමිණ මෙසේ පැමිණිලි කොට තිබිණි.

මෙම සිද්ධිය සම්බන්ධයෙන් මාතර ජ්‍යෙෂ්ඨ පොලිස්‌ අධිකාරි දේශබන්දු තෙන්නකෝන් මහතාගේ උපදෙස්‌ මත අකුරැස්‌ස පොලිසිය වැඩිදුර පරීක්‍ෂණ පවත්වයි.

මාතර – චන්ද්‍රදාස කොඩිතුවක්‌කු

(Visited 29 times)
ඔබගේ කැමැත්ත අපේ ශක්තියයි... ස්තුතියි !
Click here to connect!