“ලංකාවේ දෙමළ ජනයාට ඊලාම් රාජ්‍යයක් දිනාදීමට හැකි සෑම දෙයක්ම කරනවා” – ජයලලිතා

“ලංකාවේ දෙමළ ජනයාට ඊලාම් රාජ්‍යයක් දිනාදීමට හැකි සෑම දෙයක්ම කරනවා” – ජයලලිතා

Spread the love
  •  
  •  
  •  
  •  

ශ්‍රී ලංකාවේ දෙමළ ජනයාට ඊලාම් රාජ්‍යයක් දිනාදීමට හැකි සෑම දෙයක්ම කරන බව තමිල්නාඩු ප්‍රධාන අමාත්‍ය සහ අන්නා ද්‍රවිඩ මුන්නේත්‍ර කලහම් පක්ෂයේ නායක ජයලලිතා ජයරාම ප්‍රකාශ කර ඇතැයි ප්‍රෙස් ට්‍රස්ට් ඔෆ් ඉන්දියා පුවත් සේවය අද (24) වාර්තා කළේය.
එසේම තමිල්නාඩුවේ සරණාගත කඳවුරුවල ජීවත්වන දෙමළ ජනයාට ද්විත්ව පුරවැසිභාවය ලබාදෙන ලෙස ඉන්දියානු මධ්‍යම රජයට බලපෑම් කරන බවද ඇය වැඩිදුරටත් කියා ඇතැයිද එම වාර්තාවේ සදහන් වේ.
තමිල්නාඩු ප්‍රධාන අමාත්‍යවරිය පෙරේදා (23) තමිල්නාඩු ප්‍රාන්ත මැතිවරණය ඉලක්ක කරගනිමින් තිරුචිරපල්ලෙයි දැවැන්ත ජන හමුවකට රැස්ව සිටි අන්නා ද්‍රවිඩ මුන්නේත්‍ර කලහම් පක්ෂ සාමාජිකයින් හමුවේ මේ බව කියා සිටියාය.
තමිල්නාඩු දේශපාලනයේ කැපී පෙනෙන ඩී.එම්.කේ. සහ කොංග්‍රස් පක්ෂ විසින් ශ්‍රී ලංකාවේ දෙමළ ජනයාගේ ප්‍රශ්නය තවදුරටත් අවුල් සහගත තත්ත්වයට පත් කළ බවත්, ඒ නිසාම එම ජනතාවගේ නිදහස හා ගෞරවනීය ජීවිතයක් සඳහා තමන් පෙනී සිටින බවත් ඇය මෙහිදී සඳහන් කළාය.
තමිල්නාඩුවේ වෙසෙන ශ්‍රී ලාංකික ද්‍රවිඩ ජනයාට ද්විත්ව පුරවැසිභාවය ලබාදුනහොත් ඔවුන්ට රැකියා අවස්ථා සඳහා ගැටළුවකින් තොරව ඉඩකඩ සලසා ගත හැකි බවත්, එම නිසා ඉදිරියේදී මධ්‍යම රජයට ඒ සඳහා බලපෑම් කිරීමට තමන් සූදානම් බවත් ජයලලිතා මිය අවධාරණය කළාය.

(Visited 22 times)
ඔබගේ කැමැත්ත අපේ ශක්තියයි... ස්තුතියි !
Click here to connect!