“යහපාලුවන්ගේ මඤ්ඤොක්කා අලේ බහින කොට නියඟය ඉවරයි…” – ගම්මන්පිල

“යහපාලුවන්ගේ මඤ්ඤොක්කා අලේ බහින කොට නියඟය ඉවරයි…” – ගම්මන්පිල

Spread the love
  •  
  •  
  •  
  •  

මේ වසර මුල දැඩි නියඟයක් එන බව කාලගුණ දෙපාර්තමේන්තුව අනාවැකි පල කරලා වසරකට ආසන්නයි. නියඟය පිලිබඳ කතා කරමින් සිටියත් එයට මුහුණ දෙන්න වැඩපිලිවෙලක් නෑ. ජනාධිපති කාර්ය සාධක බලකාය පිහිටුවන්නේ නියඟය උදා වෙලා මාසයකටත් පස්සේ. එනම් 2017 ජනවාරි 19 වෙනිදායි. නියගයට සූදානම් විය යුත්තේ නියගය එන්න කලින් මිස නියගය ආවාට පස්සේ නෙමෙයි. මේ ආණ්ඩුවේ වැඩබැරිකම හොදින්ම පෙන්වන අවස්ථාවක් මේක. දැන් දිස්ත්‍රික් සංවර්ධන කමිටු වල දී උපදෙස් දෙනවා වහාම මඤ්ඤොක්කා සිටුවන්න කියලා. මඤ්ඤොක්කා දණ්ඩ මුල් අදින්න පසේ තෙතමනය තිබෙන්න ඕනෑ. මේ වියලි පොලවේ මුල් අදින්නේ නෑ. මුල් ඇදුනා කියමුකෝ. අල බහින්න මාස 6ක් අටක් අතර කාලයක් යනවා. අලේ බහින කොට නියඟේ ඉවරයි.
පසුගිය කාලයේ ජල විදුලිය සීමා කරලා තාප විදුලිය නිපද වූවා නම් කෘෂිකර්මයට ජලය ඉතිරි කර ගන්න තිබුණා. යම් ප්‍රමාණයක් වාෂ්ප වුවත් වැඩි ප්‍රමාණයක් ඉතිරි වෙනවා. ඒ ජලය කෘෂිකර්මයට පානීය ජල අවශ්‍යතා සඳහා යොදා ගන්න තිබුණා. මේ සියල්ල අතරේ ජනාධිපතිගේ සිහිනය සැබෑ කරන්න මොරගහකන්ද ජලාශය විවෘත කළා. නියඟය නිසා භූගත ජල මට්ටම පහතට ගිහින් තිබෙන්නේ. වියලි පොලව නිසා ජලාශයට යොමු කරන ජල කඳ පොලවට උරා ගන්නවා. නියඟය මැද ජලාශය විවෘත කිරීමෙන් විශාල ජල කඳක් නාස්ති වුණා. ජනතාවගේ පානීය ජල අවශ්‍යතාවයට කෘෂිකාර්මික අවශ්‍යතාවයට විදුලිය නිෂ්පාදනයට යොදා ගන්න තිබුනු ජලය තමයි අද මොරගහ කන්දේ මහ පොළවට උරාගනිමින් අතුරුදහන් වෙමින් පවතින්නේ. මීට වඩා තෙත් කාළ ගුණයක වැසිසමයක විවෘත කළ යුතුව තිබුනු මොරගහ කන්ද මහා ජලාශය ජනපතිතුමන්ගේ සිහින සැබෑ කරන්න මහා නියගයක් මැද විවෘත කිරීමෙන් මේ නියං අර්බුදය ජල අර්බුදය තීවෟර කරන්න ආණ්ඩුව කටයුතු කරලා තියෙනවා.

(Visited 41 times)
ඔබගේ කැමැත්ත අපේ ශක්තියයි... ස්තුතියි !
Click here to connect!