“මෙම චීන වයිරසය” යයි කී ඩොනල්ඩ් ට්‍රම්ප්ට චීනයෙන් විරෝධයක්

“මෙම චීන වයිරසය” යයි කී ඩොනල්ඩ් ට්‍රම්ප්ට චීනයෙන් විරෝධයක්

Spread the love
  • 17
  •  
  •  
  •  
    17
    Shares

ඇමෙරිකානු ජනපති ඩොනල්ඩ් ට්‍රම්ප් මහතා සිය ට්විටර් ගිණුමෙහි චීනය අවඥාවට ලක්කරමින් පළ කළ සටහන බීජිංහි පාලකවරුන් හෙළා දකින බව චීන විදේශ කටයුතු අමාත්‍යංශය සඳහන් කරයි.
ඇමෙරිකානු ජනපතිවරයාගේ වදන් හැසිරුවීම සම්බන්ධයෙන් කනස්සලට පත්වන බවද, ඇමෙරිකාව මේ අවස්ථාවේ වයිරසයට පාලනය කිරීමට පියවර ගනිමින් තමාගේ වැඩක් බලාගෙන සිටීම මිස චීනයට දොස් පැවරීම යුතු නොවන බවද චීන විදේශ කටයුතු අමාත්‍යංශය පවසයි.
ඇමෙරිකානු ජනාධිපතිවරයා ඊයේ ධවල මන්දිරයේදී මහජනයා අමතමින් වයිරසය මැඩලීමට උපදෙස් ලබා දීමෙන් පසුව සිය ට්විටර් ගිණුමෙහි මෙලෙස ප්‍රකාශයක් සටහන් කර තිබිණි.
“මේ චීන වයිරසය නිසා බලපෑමට ලක්වූ ගුවන් සමාගම්, කර්මාන්තශාලා ඇතුළු අනෙකුත් සේවා අවශ්‍ය ස්ථාන වෙනුවෙන් ඇමෙරිකාව හැකි උපරිම සහයෝගය ලබාදෙනවා. අපි වෙන කවදාටත් වඩා ශක්තිමත් වෙනවා!” යැයි එම ප්‍රකාශයේ දැක්විණි.
වයිරසය පිළිබඳව සඳහන් කිරීමේදී, චීනය හෝ වූහාන් නගරය හෝ සම්බන්ධ කරමින් අපහාසාත්මක හෝ විවේචනාත්මක ආකාරයේ ප්‍රකාශ නිකුත් නොකරන ලෙස ලෝක සෞඛ්‍ය සංවිධානය සියලු රටවලට උපදෙස් ලබා දී තිබූ අවස්ථාවක මෙවැනි ප්‍රකාශයක් නිකුත් කිරීම සම්බන්ධයෙන් චීන ජනතාව ද ඇමෙරිකානු ජනාධිපතිවරයාට විරෝධය පළකර ඇත.

(Visited 209 times)
ඔබගේ කැමැත්ත අපේ ශක්තියයි... ස්තුතියි !
Click here to connect!