මරක්කල දොස්තර වඳ භාවයට පත්කළ මව්වරුන් පෝලිමේ පැමිණෙයි… දැනටම පැමිණිලි 51ක්

මරක්කල දොස්තර වඳ භාවයට පත්කළ මව්වරුන් පෝලිමේ පැමිණෙයි… දැනටම පැමිණිලි 51ක්

Spread the love
  •  
  •  
  •  
  •  

මොහොමඩ් ෂාෆි වෛද්‍යවරයාගෙන් සීසේරියන් සැත්කම් සිදු කරගැනීමෙන් පසු තමන් ගැබ් නොගැනීම පිළිබඳ ගැටලුවලට මුහුණ දී සිටින බව පවසමින් මව්වරුන් 51 දෙනකු මේ වන විට පැමිණිලි ඉදිරිපත් කර තිබේ.
ඒ අතර කුරුණෑගල ශික්ෂණ රෝහලේ වෛද්‍ය සහ හෙද නිලධාරී සංගම් පවසන්නේ වෛද්‍ය මොහොමඩ් ෂාෆිට එරෙහි රෝහල් විමර්ශනවලට සෞඛ්‍ය අමාත්‍යංශයෙන් බලපෑම් එල්ල වෙමින් පවතින බවයි.
කුරුණෑගල ශික්ෂණ රෝහලේ සීසේරියන් සැත්කම් සිදු කළ සෙයිගු සියාබ්දීන් මොහොමඩ් ෂාෆි නමැති වෛද්‍යවරයා පසුගිය මැයි 24 වැනිදා අත්අඩංගුවට ගැනුණේ සැකසහිත ලෙස වත්කම් උපයා ගැනීමේ චෝදනා මතයි.
එහෙත් ඔහු පිළිබඳ පැතිර ගොස් තිබූ ඇතැම් ප්‍රචාර හේතුවෙන් සමාජය තුළ දැඩි කතාබහක් නිර්මාණය වී තිබුණි.
කුරුණෑගල රෝහලට ඊයේ පැමිණි මව්වරුන් දස දෙනකු පැමිණිලි කර සිටියේ ෂාෆි වෛද්‍යවරයාගෙන් සීසේරියන් සැත්කම් සිදු කරගැනීමෙන් පසු තමන් යළිගැබ් නොගැනීමේ ගැටලුවකට මුහුණ දී සිටින බවයි.
අද දිනයේද තවත් මව්වරුන් රැසකගෙන් කුරුණෑගල ශික්ෂණ රෝහලට එම පැමිණිල්ලම ඉදිරිපත් වී තිබුණි.
මෙලෙස මව්වරුන් 51 දෙනකුගෙන් මේ වන විට මොහොමඩ් ෂාෆි වෛද්‍යවරයාට එරෙහිව කුරුණෑගල ශික්ෂණ රෝහලට පැමිණිලි ඉදිරිපත් වී තිබේ.
මෙම තත්වය පිළිබඳ සොයා බැලීමට පාර්ලිමේන්තු මන්ත්‍රී පූජ්‍ය අතුරලිය රතන හිමියන්ද අද කුරුණෑගල ශික්ෂණ රෝහල වෙත වැඩම කළ අතර රෝහල් අධ්‍යක්ෂවරයා හමුවී කළ සාකච්ඡාවෙන් පසු උන්වහන්සේ අදාල පැමිණිලි ඉදිරිපත් කළ මව්වරුන් හමුවුණි.
මෙවන් පසුබිමක කුරුණෑගල ශික්ෂණ රෝහලේ වෛද්‍ය සහ හෙද නිලධාරී සංගම් අද ප්‍රකාශ කළේ මව්වරුන් වන්ද්‍යාකරණය කිරීමේ චෝදනා පිළිබඳ පැවැත්වෙන පරීක්ෂණවලට බලපෑම් එල්ල වෙමින් පවතින බවයි.
චෝදනාවලට ලක්ව සිටින සෙයිගු සියාබ්දීන් මොහොමඩ් ෂාෆි වෛද්‍යවරයා තවමත් අපරාධ පරීක්ෂණ දෙපාර්තමේන්තුව භාරයේ රඳවාගෙන ප්‍රශ්න කරමින් සිටියි.
මේ අතර අද පස්වරුවේ දඹුල්ල මූලස්ථාන පොලීසිය වෙත පැමිණි මාවනැල්ල ප්‍රදේශයේ පදිංචි කාන්තාවක් ද අද පැමිණිල්ලක් ගොනු කර තිබේ.‍
ඒ වෛද්‍ය මොහොමඩ් ශාෆි දඹුල්ල රෝහලේ සේවය කරන කාල සීමාවේ සිය පළමු දරු ප්‍රසූතිය සඳහා 2013 වසරේ ඔහුගෙන් සිදු කරගත් සිසේරියන් සැත්කමින් පසු මේ දක්වා තමන්ට දරුඵල අහිමි වී ඇති බව පවසමින්ය.
අදාළ පැමිණිල්ලේ පිටපත් අපරාධ පරීක්ෂණ දෙපාර්තමේන්තුවට යොමු කිරීමට පියවර ගන්නා බව දඹුල්ල පොලීසිය සඳහන් කළේය.

(Visited 68 times)
ඔබගේ කැමැත්ත අපේ ශක්තියයි... ස්තුතියි !
Click here to connect!