ගෝඨාභයගේ පුරවැසිභාවය ඉවත්කිරීම ඇමරිකාවෙන් තහවුරු කරයි… ගමන් බලපත්‍රයත් නැවත බාර දෙයි…

ගෝඨාභයගේ පුරවැසිභාවය ඉවත්කිරීම ඇමරිකාවෙන් තහවුරු කරයි… ගමන් බලපත්‍රයත් නැවත බාර දෙයි…

Spread the love
  • 26
  •  
  •  
  •  
    26
    Shares

හිටපු ආරක්ෂක ලේකම් ගෝඨාභය රාජපක්ෂ සිය ඇමෙරිකානු පුරවැසිකම ප්‍රතික්ෂේප කරමින් පසුගිය මාර්තු 06 වැනිදින ඇමෙරිකානු තානාපති කාර්යාලයට භාරදුන් අයැදුම ඇමෙරිකානු රජය පිළිගෙන අැති බව වාර්තා වේ.
ඒ අනුව රාජපක්ෂ මහතාගේ පුරවැසිභාවය ඉවත් කෙරුණු බව තහවුරු කරමින් ඊට අදාළ ලිපිය මෙරට ඇමෙරිකානු තානාපති කාර්යාලය ඔහුට ලබා දී ඇත.
පසුගිය ජනවාරි මාසයේ ඇමෙරිකාවට ගිය රාජපක්ෂ මහතා සිය පුරවැසිභාවය ඉවත් කර ගැනීම සඳහා අවශ්‍ය මූලික ලේඛන සකස් කරගෙන පැමිණි අතර පසුව මාර්තු 06 වැනිදින ඇමෙරිකානු පුරවැසිභාවය ප්‍රතික්ෂේප කරමින් භාරදුන් අයැදුම මෙරට තානාපති කාර්යාලය මගින් වොෂින්ටනයේ පිහිටි රාජ්‍ය දෙපාර්තමේන්තුවට යොමු කොට තිබිණ.
ඇමෙරිකා එක්සත් ජනපදයේ ආගමන හා විගමන ජාතිකත්ව පනතේ 394/A5 වගන්තියට අනුව ස්වේච්ඡාවෙන් පුරවැසිභාවය අහෝසිකර ගන්නා ආකෘතිය අනුව යමින් එම ලිපිලේඛන ඔහු භාර දී තිබේ.
ඒ අනුව රාජපක්ෂ මහතා පසුගිය මාර්තු 26 දින සිට අප්‍රේල් 12 දින දක්වා වූ කාලයේදී අමෙරිකාවට ගොස් එහි වෙසෙන තම පුතුගෙන්ද, එරට සිටින සිය හිතමිතුරන්ගෙන් සමුගෙන නැවත පැමිණ සෙසු ලිපි ලේඛන තානාපති කාර්යාලයට භාර දී ඇත.
ඒ සමගම ඇමෙරිකානු තානාපති කාර්යාලයට ගොස් දිවුරුමක් ලබා දී සිය සන්තකයේ තිබූ ඇමෙරිකානු ගමන් බලපත්‍රයද භාර දී තිබේ.

(Visited 323 times)
ඔබගේ කැමැත්ත අපේ ශක්තියයි... ස්තුතියි !
Click here to connect!