“කොහොමද දැන් සනීපද” හුඟක් සතුටුද” රන්ජන් උසාවියේ පිස්සු කෙළියි.. බිත්තිවලටත් ගහයි.. සේවකයෝ බිරන්භිත වෙයි..

“කොහොමද දැන් සනීපද” හුඟක් සතුටුද” රන්ජන් උසාවියේ පිස්සු කෙළියි.. බිත්තිවලටත් ගහයි.. සේවකයෝ බිරන්භිත වෙයි..

Spread the love
  • 53
  •  
  •  
  •  
    53
    Shares

තමාට එරෙහිව තීන්දුව දීමට නියමිතව ඇති, අධිකරණයට අපහාස කිරීමේ නඩුව සඳහා ඊයේ (30දා) ශේ‍ර්ෂ්ඨාධිකරණය හමුවේ පෙනී සිටීමට පැමිණි නියෝජ්‍ය ඇමැති රන්ජන් රාමනායක උපරිමාධිකරණ සංකීර්ණයේ විදුලි සෝපානය තුළදී නොසන්සුන්කාරී ලෙස හැසිරීම නිසා මහත් කලබැගෑනියක් ඇති විය.ඒ මොහොතේ, සෝපානය තුළ ශේ‍ර්ෂ්ඨාධිකරණ විනිශ්චය ශාලා අංක 403ට හා 502ට පිවිසීම සඳහා ගමන් කරමින් සිටි නීතිඥවරියන් දෙදෙනකු මෙම නොසන්සුන්කාරී හැසිරීම හේතුවෙන් බියට පත්ව සෝපානයේ බොත්තම ක්‍රියා කරවා ඊළඟ මහලෙන් බැසගොස් ඇති අතර මේ සිදුවීම සම්බන්ධයෙන් උපරිමාධිකරණයේ ආරක්‍ෂක කටයුතු භාර මාර්ෂල් නිලධාරිවරයාට පැමිණිලි කරන බව එම සෝපානය මෙහෙයවමින් සිටි අධිකරණ සේවකයා දැනුම්දී ඇත.තමන් සමඟ පැමිණි තවත් කිහිපදෙනකු සමඟ සෝපානයට ඇතුළුවී අධිකරණ ශාලාව වෙත පිවිසීමට 5 වැනි මහල වෙත ගමන් කරන අවස්ථාවේදී රන්ජන් රාමනායක නියෝජ්‍ය ඇමැතිවරයා තම වැලමිටෙන් සෝපානයේ ලෝහ තහඩු සහිත බිත්තිවලට වේගයෙන් පහර දෙමින් නොසන්සුන්කාරී ලෙස හැසිරී ඇත.නඩුව කැඳවීමෙන් අනතුරුව ආපසු 2 වැනි මහල වෙත එද්දී ඊටත් වඩා වේගයෙන් සෝපානයේ බිත්තිවලට දැඩි ලෙස පහර දෙමින් කෑකෝ ගසමින් පැමිණි ඔහු ඉන් පිටතට පැමිණ සෝපානය මෙහෙය වන ලද සේවක මහතාගෙන් “කොහොමද දැන් සනීපද” හුඟක් සතුටුද” ආදී වශයෙන් විමසමින් පිටව ගොස් ඇති බවද පැවැසේයි.

(Visited 96 times)
ඔබගේ කැමැත්ත අපේ ශක්තියයි... ස්තුතියි !
Click here to connect!