“එදා වික්ටර්…මෙදා අපොන්සු… ඇයි අවුල්ද..? “-කලා ලෝකය හෙල්ලූ අළුත්ම විවාහයේ තතු

“එදා වික්ටර්…මෙදා අපොන්සු… ඇයි අවුල්ද..? “-කලා ලෝකය හෙල්ලූ අළුත්ම විවාහයේ තතු

Spread the love
  • 5
  •  
  •  
  •  
    5
    Shares

සුගිය කාලයේ වයෝවෘද්ධ කලා ශිල්පීන් තරුණියන් සමග විවාහවීම පිළිබඳ විවිධ සංවාද පැනනැගුණි. මේ වනවිට එවන් තවත් අලුත් පුවතක් ගැන වාර්තාවනවා. ඒ වේදිකා හා ටෙලි රංගන ශිල්පී ජයසේකර අපොන්සු ගැනයි. පෙර පැවති විවාහ කිහිපයකින්ම වෙන් වූ 67 හැවිරිදි අපොන්සු අවුරුදු 25 ක යුවතියක් සමග යුග දිවියට එළැඹ ඇත.
ඒ ගැන කළ විමසීමකදී ඔහු මෙසේ පවසයි.
ඔබ දැන් ජීවිතයේ අලුත් ගමනක් පටන් ගෙනයි තියෙන්නේ. එහෙම නේද?
‘ඇත්ත. දැන් මගේ ජීවිතය වෙනදාට වඩා වෙනස් වෙලයි තියෙන්නේ. මොකද මගේ දුක සැප බෙදා ගන්න සහකාරියක් දැන් මට ඉන්නවා. එයාගේ නම සුජාතා ප්‍රියදර්ශනී.’
ජයසේකර අ‍පොන්සු එහෙම කියනකොට සුජාතා මෙහෙම කියා සිටියා.
‘මම අ‍පොන්සු අයියාගේ හොඳම රසිකාවියක්. අපි දැන හඳුනාගෙන දැන් අවුරුදු 5ක් විතර වෙනවා. හොරු නාට්‍යය අනුරාධපුරේ වේදිකාගත කරපු කා‍ලේ තමයි අපි කතාබහ කරලා මිත්‍රත්වයක් ඇති කරගත්තේ. දවසක් මම කොළඹ ආපු වෙලාවක මට අ‍පොන්සු අයියව බලන්න ඕනෑ වුණා. ඒ කා‍ලේ එයා කලා කාරිනියක් වන පුෂ්පා ජෙනට්ගේ ගෙදර පුංචි කාමරයකයි නැවතිලා හිටියේ. ඒක හොඳටම මකුණු දැල් බැඳුණු බොහොම අපිළිවෙළට තිබුණු කාමරයක්. මට පුදුමත් හිතුණා මේ වගේ වටිනා කලාකරුවෙක් මේ විදිහට ඉන්නේ ඇයි කියලා. එහෙම ගියාට පස්සේ මම මුලින්ම කළේ මකුණු දැල් කඩලා කාමරේ සුද්ධ පවිත්‍ර කරන එකයි. ඊට පස්සේ තමයි අපි අපේ ජීවිතවල අලුත් ගමනක් පටන් ගන්න හිතා ගත්තේ.
සුජාතා- මම ඉපදුණේ 1993 අවුරුද්දේ. අ‍පොන්සු අයියා 1951 ඉපදිච්ච කෙනෙක්. ඒ වුණාට මට ඒක ගැටලුවක් ‍නෙවෙයි. එයාගේ අතීතය ගැන හැමදේම අ‍පොන්සු අයියා මට කියලා තියෙනවා. එයාගේ ගෙවල් දොරවල්වත් වෙන දේ‍පොළක්වත් බලාගෙන ‍නෙවෙයි. මම එයා එක්ක ජීවත් වෙන්න ආවේ. එදා එයා තනිවෙලා හිටපු විදිහට මට දුක හිතුණා.
දැන් අලුත් ජෝඩුව ඉන්නේ අලුත් තැනක නේද?
සුජාතා- ඔව්. අපට උයා පිහා ගන්නවත් ඉඩක් ඒ කාමරේ තිබුණේ නැහැ. තුන්වේලටම කඩෙන් කන්න ලොකු වියදමක් දරන්නත් සිද්ධ වුණා. ඒ නිසා අපි දෙකටන ප්‍රදේශයේ පුංචි ගෙදරකට ආවා. අපි ඒ අලුත් නවාතැනට ඇවිත් දැන් මාස තුනක් විතර වෙනවා.
අ‍පොන්සු- මගේ ජීවිතයට ඇතුළු වෙලා මගේ දේවල් හූරාගෙන ගියපු කාන්තාවෝ හිටියා. හැබැයි සුජාතා ඒ වගේ කෙනෙක් ‍නෙවෙයි. ඉන්න ටික කා‍ලේ කලාවත් කරගෙන එයා එක්ක සතුටින් ඉන්න එක තමයි මගේ ලොකුම බලා‍පොරොත්තුව.
කලා කටයුතුවල යෙදෙන්න වෙනදාටත් වඩා නිදහසකුත් දැන් ලැබෙනවා ඇති නේද?
සුජාතා- එයා වෙනදාට වඩා සතුටිනුයි දැන් ඉන්නේ. මේ දවස්වල අලුතින් ටෙලි නාට්‍යයකුත් ලියාගෙන යනවා. මමත් පුළුවන් උපරිම විදිහට ඒ වැඩ කටයුතුවලට උදව් උපකාර කරනවා.
ළඟදී විවාහ උත්සවයක් එහෙම ගන්න සූදානමක් නැද්ද?
අ‍පොන්සු- මොකද නැත්තේ හැමෝටම කියලා ජයටම මඟුල් කන්නයි හිතාගෙන ඉන්නේ.

(Visited 72 times)
ඔබගේ කැමැත්ත අපේ ශක්තියයි... ස්තුතියි !
Click here to connect!