“අපි සිරියාවට ගහන්නත් ඉස්සෙල්ලා රටේ ජනතාවට තුවාලයි ලු…” – පුටිං

“අපි සිරියාවට ගහන්නත් ඉස්සෙල්ලා රටේ ජනතාවට තුවාලයි ලු…” – පුටිං

Spread the love
  •  
  •  
  •  
  •  

සිරියාව තුළ රුසියාව විසින් දියත් කරන ලද ගුවන් ප‍්‍රහාරවලින් මියගිය අය අතර සිවිල් වැසියන්ද සිටින බවට වාර්තා පළ වීම ආරම්භ වූයේ පළමු ගුවන් ප‍්‍රහාරය ආරම්භ කිරීමටත් පෙර බව රුසියානු ජනාධිපති ව්ලැදිමීර් පුටින් පවසා ඇත.
අනෙකුත් රටවල් වසරකට අධික කාලයක් එක්සත් ජාතීන්ගේ අනුමැතියකින් හෝ සිරියානු රජයේ ඇරයුමකින් තොරව සිරියානු ප‍්‍රදේශවලට බෝම්බ ප‍්‍රහාර එල්ල කරමින් සිටින බවත් සිරියානු රජයේ ආරාධනාවකින් ආරම්භ කළ රුසියානු ප‍්‍රහාර වලින් ඉලක්ක කෙරෙන්නේ ත‍්‍රස්තවාදී සංවිධාන පමණක් බවත් රුසියානු මානව හිමිකම් කවුන්සිලය අමතමින් ජනාධිපතිවරයා පවසා තිබේ.
ඔහු පවසා ඇත්තේ රුසියානු ප‍්‍රහාරවලින් සිවිල් වැසියන් මියගිය බවට වාර්තා කෙරෙන තොරතුරු යුද්ධයට මුහුණදීමට රුසියාව සූදානමින් සිටින බවයි.
ගුවන් ප‍්‍රහාර එල්ලවීමෙන් පසු විනාශවූ සාමාන්‍ය ජනතාව ජීවත් වන ප‍්‍රදේශ දැක්වෙන වීඩියෝ ගණනාවක් අන්තර්ජාලය තුළ පළවී තිබේ.
මෙය තොරතුරු යුධෝපක‍්‍රමයක් ලෙස හඳුන්වාදී ඇති රුසියාව ජනමාධ්‍ය හා විදෙස් නිලධාරීන්ගෙන් ඉල්ලා ඇත්තේ සිරියාවෙන් පැමිණෙන තොරතුරුවල සත්‍ය අසත්‍ය බව මැනීමේදි ප‍්‍රවේශම් වන ලෙසයි.
සිරියාව තුළ සිදුකෙරෙන මිලිටරි මෙහෙයුම් පිළිබඳ තොරතුරු ඇමරිකාව හා රුසියාව අතර බෙදාගැනෙන යාන්ත‍්‍රණයක් පිහිටුවීමේ අවශ්‍යතාවයද පුටින් විසින් අවධාරණය කර ඇතැයි වාර්තා වේ.

(Visited 19 times)
ඔබගේ කැමැත්ත අපේ ශක්තියයි... ස්තුතියි !
Click here to connect!