සරත් ෆොන්සේකා මහතා නිදහස් කිරීම සඳහා අමාත්‍ය මණ්ඩලයේ අනුමැතිය හිමිව තිබේ. ජනාධිපති මහින්ද රාජපක්‍ෂ මහතා විසින් අද පස්වරුවේ අමාත්‍යවරුන්ගෙන් මේ පිළිබඳව කල විමසීමකදී මෙම එකඟතාවය පලව ඇතැයි ජනාධිපති මාධ්‍ය ප‍්‍රකාශක පන්දුල ජයසේකර මහතා පවසයි. මේ අතර සරත් ෆොන්සේකා මහතාගේ නීතිඥයන් විසින් ඒ මහතා ඇප මත මුදා හරින ලෙස ඉල්ලා කොළඹ මහාධිකරණයට පෙත්සමක් ඉදිරිපත් කර ඇත. පසුගිය ජනාධිපතිවරණ සමයේ යුධ හමුදාවෙන් පලාගිය සෙබලූන් සේවයේ යොදවා ගත්තේ යයි චෝදනා මත තමන් වසරකට වැඩි කාලයක් රිමාන්ඞ් භාරයේ පසුවන බව ෆොන්සේකා මහතා කියා සිටී. මෙම ඇප ඉල්ලීම සලකා බැලීම හෙට දිනයේ සිදු කිරීමට නියමිතය.

තම සැමියා සියලු චෝදනාවලින් නිදහස් කර කොන්දේසි විරහිතව නිදහස් කරන බව මහින්ද රාජපක්ෂ ජනපති තමාට පොරොන්දුවීයැයි හිටපු යුද හමුදාපති සරත් ෆොන්සේකාගේ බිරිය අනෝමා ෆෝන්සේකා ඒඑෆ්පී ප්‍රංශ පුවත් සේවයට පවසා ඇත. සිරගතවී සිටින තම සැමියා හැකි ඉක්මණින් මුදා හරින බව ජනපති පැවසීයැයි ඇය කියන්නීය. බදාදා රාත්‍රියේ තමා ජනපති හමුවූ බව ද ඇය සඳහන් කරන්නීය. මේ සම්බන්ධයෙන් ජනපති කාර්යාලයය කිසිත් කියා නැතත් ඔහු ‘දින කිහිපයක්‘ ඇතුළත නිදහස් කරනු ඇතැයි එහි නිලධරයෙක් ස්ථිර වශයෙන් ප්‍රකාශ කළ බව ද ප්‍රංශ පුවත් සේවය කියයි. අනෝමා ෆොන්සේකා මහත්මිය ජනපති හමුවීමට පෙර ප්‍රජාතන්ත්‍රවාදී ජාතික සංධානයේ පාර්ලිමේන්තු මන්ත්‍රී ටිරාන් අලස් මහතා අරලිය ගහ මැදුරේදි ජනාධිපති මහින්ද රාජපක්ෂ මහතා සමග පැයක පමණ සාකච්ඡාවක් පැවැත්වීය. ඉන් පසුව අලස් මහතා පැවසූවේ ෆොන්සේකා ඉක්මනින් නිදහස් කරන බව තමන්ට විශ්වාස බවයි. සුළු ගැටලු කිහිපයක් විසඳා ගැනීම සඳහා සාකච්ඡා කළ වත්, දවසකින් දෙකකින් පමණ එම ක්‍රියාවලිය අවසන් විය හැකි බවත් ඔහු කියා සිටියේය. ජනපති හමුවෙන් පසුව ටිරාන් අලස් මහතා නවලෝක රෝහලට ගොස් ෆොන්සේකා හමුවිය. විශේෂඥ වෛද්‍ය වජිර තෙන්නකෝන් යටතේ ෆොන්සේකා එහි ප්‍රතිකාර ලබයි.

2010 ජනපතිවරණයේදී ජනපති සමග තරඟ කර පරාජය වූ ෆොන්සේකා පසුව පාර්ලිමේන්තු මන්ත්‍රීවරයෙක් විය. යුද්ධාධිකරණයෙන් වසර දෙකක සිර දඩුවමක් නියමවීමත් සමග ඔහුගේ අසුන අහිමි විය.

ජුනි 2 වැනිදා ආරම්භ වන බ්‍රිතාන්‍යයේ එළිසබත් රැජිනගේ 60 වැනි පදවි ප්‍රාප්ත සංවත්සරයට ශ්‍රී ලංකා ජනාධිපති මහින්ද රාජපක්‍ෂ මහතා සහභාගිවීම වැළැක්‌වීම සඳහා බ්‍රිතාන්‍ය කොටි ජාලය විසින් පෙත්සම් දහස්‌ ගණනක්‌ බකිංහැම් මාළිගය වෙත යවා ඇත. මේ පෙත්සම් යෑවීම ආරම්භ කර ඇත්තේ බ්‍රිතාන්‍ය කොන්සර්වැටිව් පක්‍ෂයේ ද්‍රවිඩ ආධාරකරුවන් යයි හඳුන්වන සංවිධානයේ ප්‍රධානි අර්ජුන් සිවනාදන් නමැත්තායි.

එලිසබත් රැජින විසින් ශ්‍රී ලංකා ජනාධිපතිවරයාට කළ ඇරයුම ගැන බ්‍රිතාන්‍ය කොටි ජාලය හා මෙරට රාජ්‍ය නොවන සංවිධානවලට බරපතළ ප්‍රශ්නයක්‌ වී තිබේ.

කැලණිය ප්‍රාදේශීය සභාවේ සභාපති, මන්ත්‍රීවරුන් සහ කාන්තාවන් දහසක් පමණ අද කැළණිය විභීෂණ දේවාලයට ගොස් දෙවියන් උදෙසා විශේෂ දේව පුජාවක් පවත්වා දුරාචාර්ය මර්වින් සිල්වාගෙන් කැළණි පුදබිම ආරක්ෂා කර දෙන ලෙස ඉල්ලමින් පොල් ගසා කන්නලව් කළහ. බුදුන්ගේ පාදස්පර්ශයෙන් පිදුම් ලැබූ උතුම් කැළණි පුරවරය දුෂණයෙන්, වංචාවෙන්, මත්කුඩු වලින් බේරා දෙන ලෙස ඉල්ලා මේ විශේෂ දේව පුජාව පැවැත්වීය. කැලණියේ සිදුවන මේ දූෂණ ගැන කියන්නට කිසිවෙක් නොමැති බවත් අවසන් වශයෙන් කියන්නට ඇත්තේ දෙවියන් හට පමණක් බවත් මේ සඳහා පැමිණි බොහෝ දෙනා කීහ. ශ්‍රී ලංකා නිදහස් පක්ෂ කැලණිය කාන්තා බල මණ්ඩලයේ ලේකම් ප්‍රාදේශීය සභා මන්ත්‍රීනී ශාන්ති කුමුදුනී - "කැලණියේ මේ සිද්ධ වෙන දේවල් ගැන අපිට කියන්න කවුරුත් නෑ. පොලීසියට කිව්වත් වැඩක් නෑ. කැලණියෙ වෙන අසාධාරන වැඩ කියන්න ඉන්නේ දෙයියො විතරයි. දේශපාලනේ මුවාවෙන් ගොඩක් වංචා දූෂණ සිද්ධ වෙනවා. කප්පම්, කුඩු, ගංජා, කසිප්පු ව්‍යාපාර නවත්වලා කැලණිය, ජනතාව උදෙසා බේරා දෙන්න කියලා දෙවියන්ගෙන් ඉල්ලා සිටිනවා"
 කැලණිය ප්‍රාදේශීය සභා මන්ත්‍රී ලංකා විජිත කුමාර මහතා -
 ‘"විහාර මහා දේවිය උපන් බිම අද එක් පුද්ගලයෙක් නිසා විනාශ වෙනවා. ඒක මේ මව්වරුන්ට බලන් ඉන්න බැරුව තමයි මේ අද දෙවියන් යදින්නේ. මේ සටන ජීවිත පරිත්‍යාගයෙන් දිගටම කරගෙන යනවා."

 මුළු මහත් ප්‍රාදේශීය සභාවක්ම මෙසේ පවසද්දී දුරාචාර්ය මර්වින් සිල්වා zකැළණියට ආලෝකයක් යැයි පසුගියදා කැළණිය රජමහා විහාරයේ විහාරාමාධිපති ස්වාමීන් වහන්සේගේ බුලත් කෙළ මුඛයෙන් වදාළහ.

පින්තුරය මත කොටා විශාල කර බලන්න

සරත් ෆොන්සේකා මහතාට නිදහස ලබා දීම සඳහා වන නීති විමර්ශණ වාර්තාව මේ වන විටත් ජනාධිපති කාර්යාලයට බාර දී ඇතැයි වාර්තා වේ. විජයග‍්‍රහණයේ තෙවැනි සැමරුම ජනාධිපති මහින්ද රාජපක්‍ෂ මහතාගේ ප‍්‍රධානත්වයෙන් ලබන 19 වන සෙනසුරාදා කොළඹදී පැවැත්වෙන අතර ඉන් අනතුරුව ඒ මහතා කටාර් රාජ්‍යයේ නිල සංචාරයක් සඳහා පිටත්වීමට නියමිතය. මේ හේතුවෙන් රාජපක්‍ෂ මහතා දිවයිනෙන් බැහැර වීමට ප‍්‍රථම සරත් ෆොන්සේකා මහතා නිදහස් කිරීම සඳහා අදාල ලිපි ලේඛණ වලට අනුමැතිය දෙනු ඇතැයි රජයේ ඉහල පෙලේ ආරංචි මාර්ග කියයි.