ශ්‍රී ලංකා රජයට එරෙහිව ඉන්දීය බලධාරීන් වෙත පැමිණිලි කිරීම සඳහා ද්‍රවිඩ සන්ධාන මන්ත්‍රී කණ්‌ඩායමක්‌ කඩිමුඩියේම ඉන්දියාව බලා යැමට සැළසුම් කර ඇත. රජය යෝජනා කළ සෙනෙට්‌ සභාව අවශ්‍ය නැති බවත්, පොලිස්‌ හා ඉඩම් බලතල අනිවාර්යෙන්ම ලබාදිය යුතු බවත් ඉන්දීය රජයට දැඩි බලපෑම් එල්ල කිරීම මෙම මන්ත්‍රී කණ්‌ඩායමේ අරමුණ වී තිබේ. මේ අතර ජ්‍යෙෂ්ඨ පොලිස්‌ නිලධාරියකු පැවසුවේ පොලිස්‌ බලතල දුන්නොත් ශ්‍රී ලංකා පොලිසිය දෙකට කැඩී පළාත් පොලිස්‌ දෙපාර්තමේන්තු කීපයක්‌ ඇති වන බවයි. එම පළාත් පොලිසි නියෝජ්‍ය පොලිස්‌පතිවරයකු යටතේ පාලනය වන නිසා ඔවුන් ශ්‍රී ලංකා පොලිස්‌පතිවරයාගේ නියෝග පිළිපැදීමෙන් වළකිනු ඇතැයිද එම නිලධාරියා පැවැසීය.

අවුරුදු 55ක් එකට හිටිය අපේ ජීවිත තවමත් ආදරෙන් පිරිලා.....

දශක පහකට අධික කාලයක් ශ්‍රී ලාංකීය ජනතාව පිනවන සිසිර ඉන්ද්‍රානි සේනාරත්න යුවලගේ සිසින්ද්‍රා ප්‍රසංගය ප්‍රථම වරට ශ්‍රී ලංකාවේදී පැවැත්විණ.

එහි ප්‍රදාන ආරාධිතයා වූයේ අතිගරු ජනාධිපති තුමාය.

වීඩියෝව මෙතනින් නරඹන්න 

කුඩු හිඟයත් මැගසින් ගැටුමට හේතුවක්

මැගසින් බන්ධනාගාරයේ ඇතිවූ ගැටුම්කාරී තත්ත්වය හේතුවෙන් 21 දෙනකු තුවාල ලබා රෝහල් ගත කර ඇති බවත්,එයින් 20 දෙනකු රැඳවියන් බවත්,එක් අයකු බන්ධනාගාර නියාමකවරයකු බවත් රෝහල් ආරංචි මාර්ග සඳහන් කරයි. රෝහල්ගත කරනු ලැබූ සියලුම රැඳවියන්ගේ දණ හිසෙන් පහල තුවාලවී ඇති බවත්,ඒවා වෙඩිවැදීමෙන් සිදුව ඇති තුවාල බවට සැක කළ හැකි බවත් එම ආරංචි මාර්ග පෙන්වාදෙයි. එසේම රෝහල්ගත කෙරුණු බන්ධනාගාර නිලධාරියාට තුවාල සිදුව ඇත්තේ ගල් ප්‍රහාරයකට ලක්වීමෙන් බව සඳහන්වේ. කෙසේ වෙතත් මේවන විට තත්ත්වය පාලනය කිරීම සඳහා අමතර නිලධාරීන් කණ්ඩායමක් යොමුකර ඇතැයිද බන්ධනාගාර කොමසාරිස් ජනරාල්වරයා කියා සිටි අතර එසේම තත්ත්වය පාලනය කිරීම සඳහා යුද හමුදාවේ කණ්ඩායමක් කටයුතු කරන බව යුද හමුදා මාධ්‍ය ප්‍රකාශක බ්‍රිගේඩයර් නිහාල් හපුආරච්චි මහතා පවසයි.

කඹුරුපිටිය ප්‍රදේශයේ අතක් අහිමි ආබාධිත එක්දරු මවක් ඇය සතුව තිබූ අක්කර තුන්කාලක එකම ඉඩම් කැබැල්ල අඟිමංසල රණවිරු නිවාස ව්‍යාපෘතියට පරිත්‍යාග කර තිබේ. මෙම නිහඩ පරිත්‍යාගය සිදු කර තිබුණේ කඹුරුපිටිය කිරිවෑගොඩහේන පදිංචි තිස්හැවිරිදි ක්‍රිෂාන්ති පි‍්‍රයංකා පොල්වත්තගේ මහත්මියයි. ඇය වයස අවුරුදු තුනහමාරක් වයසැති පුතකුගේ මවකි. පසුගියදා (20) අඟිමංසල දෙවැනි අදියර මාතර කඹුරුපිටිය ප්‍රදේශයේදී යුද හමුදාපති ලුතිනන් ජෙනරාල් ජගත් ජයසූරිය සහ යුද හමුදා සේවා වනිතා ඒකකයේ සභාපතිනි මංජුලිකා ජයසූරිය මහත්මියගේ ප්‍රධානත්වයෙන් ආරම්භ විය. එහිදී විවිධ කෝටිපති ව්‍යාපාරිකයන් රැසක් අඟිමංසල රණවිරු ව්‍යාපෘතියට ආධාර ලබාදී තිබුණි. ඒ අතර අතක් අහිමි ක්‍රිෂාන්ති පි‍්‍රයංකා මහත්මිය තම.....

ඉස්ලාමීය දේවගැතිවරුන් 161 දෙනකු මෙරටින් පිටුවහල්කිරීමට ආණ්ඩුව මගින් ගෙන ඇතැයි කියනු ලබන තීරණය සම්බන්ධයෙන් රජයේ මුස්ලිම් නියෝජිතයින් අදාළ බලධාරීන් සමග අද සවස සාකච්ඡා කිරීමට නියමිත බව බී.බී.සී පුවත් සේවය උපුටා දක්වයි. ආගමන විගමන නීති උල්ලංඝණය කරමින් මෙරට රැඳී සිටින ඉස්ලාමීය දේවගැතිවරුන් පිරිසකට ජනවාරි මස 31 වන දිනට පෙර පිටව යන ලෙස ශ්‍රී ලංකා‍ රජයේ බලධාරීන් විසින් දන්වා ඇතැයි මීට පෙරාතුව වාර්තා විය. කෙසේ වෙතත් මෙම තීරණය සම්බන්ධයෙන් රජයේ මුස්ලිම් නියෝජිතයින් සිය කනස්සල්ල පළකර ඇති බවත්,පසුව මෙම තීරණය ක්‍රියාත්මක කිරීමේ කාලය දීර්ඝ කර ගැනීමට උත්සාහ දරනු ඇති බවත් බී.බී.සී පුවත් සේවය පෙන්වාදෙයි. බංග්ලාදේශය,ඉන්දියාව,පකිස්ථානය,මාලදිවයින වැනි රටවල් කිහිපයකින් සංචාරක වීසාවලින් පැමිණ ඇති මෙම ඉස්ලාමීය දේවගැතිවරුන් පිරිස ඉස්ලාම් ආගමික ස්ථානවල දේව මෙහෙයන්ට සහභාගී වී දැනට ශ්‍රී ලංකාවේ පවත්නා මධ්‍යස්ථ ඉස්ලාමීය දහමට වෙනස්ව දේශනා පවත්වන බවට මුස්ලිම් ප්‍රජාවේ පිරිසක් විසින්ම පැමිණිලි කර ඇතැයි කියැවෙයි. ආගමන විගමන පාලක චූලානන්ද පෙරේරා මහතා ඒ.එෆ්.පී පුවත් සේවයට පවසා ඇත්තේ සංචාරක වීසාවලින් මෙරටට පැමිණ දේශනා පවත්වමින්යාම නීති විරෝධී කටයුත්තක් බවයි. මොවුන් ශ්‍රී ලංකාව හා අවට රටවල ජනප්‍රියතාවක් හිමිව ඇති "තාබ්ලිග් ජමාහ් ජාත්‍යන්තර ඉස්ලාමීය සංවිධානය"ට අයත් දේවගැතිවරුන් පිරිසක් බව චූලානන්ද පෙරේරා වැඩිදුරටත් සඳහන් කර තිබේ.

දූෂිත දේශපාලනය වෙනස් කිරීමට වචනයකින් හෝ ජනතාව තමාට ලබාදෙන සහාය මහමෙරක් ලෙස සලකන බව සරත් ෆොන්සේකා මහතා පවසයි. හමුදාවෙන් පලාගිය සෙබලූන්ට රැකවරණය සැලසීම සම්බන්ධයෙන් වන නඩුව අද කොළඹ මහාධිකරණයේදී විභාගයට ගැනීමෙන් අනතුරුව අධිකරණයෙන් පිටව යද්දී සුපුරුදු පරිදි මාධ්‍ය අමතමින් ඒ මහතා මේ බව පැවසීය. සරත් ෆොන්සේකා මහතාට සහ ඔහුගේ ලේකම් සේනක ද සිල්වාට එරෙහිව පවරා ඇති මෙම නඩුව පෙබරවාරී මස 21 වැනි දින සිට දිනපතා විභාග කිරීමට කොළඹ මහාධිකරණය තීන්දු කළේය. නීතීපතිවරයා ඉදිරිපත් කර තිබූ අධිචෝදනා 41කින් සමන්විත චෝදනා පත්‍රය විවෘත අධිකරණයේ දී විත්තිකරුවන්ට කියවනු ලැබ ඇති අතර එම අධිචෝදනා 41ට තමන් නිවැරදිකරුවන් බව විත්තිකරුවන් විවෘත අධිකරණයේ දී ප්‍රකාශ කර ඇත.